اولسيه الكرنك.
مظاهر وتشخيص وعلاج العطل جيلى ام كه،geely mk, ck
Olesh-Karnak-manifestations-diagnosis-and-treatment-of-holidays-geely-mk-ck
السلام عليكم
احبتى مالكى السياره جيلى الصينى، والاخوه الميكانيكيه ايضا وده مش عيب، كلنا بنتعلم.
موضوعنا النهارده فى غايه الاهميه، من حيث، انه عطل خبيث للغايه، وليس من السهل اكتشافه، واسألوا مجرب.
اولسيه الكرنك.
مظاهر وتشخيص وعلاج العطل جيلى ام كه، geely mk, ck
Olesh-Karnak-manifestations-diagnosis-and-treatment-of-holidays-geely-mk-ck
نشرح اولا مظاهر العطل :
هتلاقوا كتير اوى من حضراتكم ياوقع فيه، او عدى عليه، او مايزال يعانى منه ومازال يبحث عن السبب،.
وهو نقص غيار الزيت .
نصف كيلو واحيانا اكثر بقليل فى حاله لو كنت حضرتك بتغير الزيت، عند ٥٠٠٠ كيلو، وهذا ماننصح بعد استخدام هذا النظام ،
وتسأل ماهو السبب.
لايوجد عندى ،اى رشح، ولاتسريب، والموتور بحاله جيده والحمد لله، اذا من اين هذا النقص.
تسأل الاخوه الميكانيكيه، اللى يقولك المكنه بتسخن، وطبعا زى ما احنا عارفين كلنا ان الجيلى، geely, عموما بتسخن وده حاجه كلنا متأكدين منها، فيطمئن قلبك بان هذا التشخيص تمام ، وتلف بقى الديره بيك، ردياتير جايز، حساس حراره جايز، الكابل الارضى جايز، وتكثر الفتاوى والتشخيصات،
وده موضوع هنبقى نتكلم عليه مره تانيه.
لحد ماحضرتك تجيب اخرك، واخر جيبك وميزانيتك، وتكره الموديل واللى شاروا عليك بيه، ودى نماذج انا شخصيا كل يوم بسمع صوتها، واكيد بيقروا الموضوع دلوقتى وعارفين ان الكلام عليهم،
وفى اللى بعد مايتقطع نفسه، مجهود ومصاريف، يقولك اريح دماغى وازود نص كيلو زيت كل غيار ،
وعمره طبعا ماهيكتشف العيب ولا هتتحل مشكلته، وزياده غيار الزيت نفسها، غلط ولها عيوب، هنتكلم عنها فى موضوع قادم ان شاء الله ايضا،.
ثانيا تشخيص العطل :
هتتعب حضرتك شويه او، الاخ الصنايعى، لو حضرتك ماليكش فى الموضوع، وهتشغل العربيه، وتسيبها شغاله، لحد ما، امبير الحراره، هيوصل لمستواه الطبيعى، وهو على النص، وتنزل تحت العربيه، ومعاك كشاف موبايل، وتحت طلمبه البور، اتجاه السيور، وتشاهد بالكشاف ، فتره من الوقت، وانت وحظك ممكن ربع ساعه، تقريبا ، ستلاحظ سقوط، نقطه زيت، وحيده على الارض، واحيانا لاتصل الارض، ولكن ستلاحظها، وهذا هو موضوعنا، من اولسيه الكرنك، وطبعا النقطه دى مابتنزلشى الا بعد ما العربيه تسخن ،ياعنى بتنزل وحضرتك ماشى، بمعنى انه لا يظهر لها اى اثر، يمكنك ان تراه فيما بعد، ويوجد بالماتور، اتنين اولسيه، اولسيه كبير، فى مقدمه الكرنك، واولسيه صغير، خلفه، كما ستوضح الصوره المرفقه لحضراتكم.
ثالثا علاج العطل :
بعد ما شرحنا مظاهر العطل، وتشخيصه، جاء الوقت لعلاجه، الذى لايتعدى خمسين جنيه مصرى فقط،
وهو اولسيه الكرنك الصغير، الداخلى.
ستقوم بتغيره وممكن تغير الاتنين وتريح راسك تمنهم ١٠٠ جنيه.
يارب يكون موضوع النهارده مفيد لحضراتك.
واكون قدرت اشرح واوصل لحضراتكم ويكون دمى خفيف على قلوبكم.
وتستفيدوا ان شايف ان ده موضوع مهم جدا.
ولاتنسونا بدعوه من حضراتكم. وان يرحم الله ابائنا جميعا، وان يتغمدهم الله برحمته، وان يوفقنا جميعا الى مايحبه ويرضاه، امين.
ولا تنسوا ايضا دعمنا على موقعكم الحبيب سونه جيلى، وصفحتنا على الفيس بوك سونه جيلى، وقناتنا على اليوتيوب جيلى، حتى نستطيع ان نستمر فى خدمه حضراتكم.
وكل عام وحضراتكم بخير، ورمضان كريم
على امل اللقاء ان كان فى العمر بقيه
موقع سونه جيلى ومتابعه لكل المواضيع
http://zipansion.com/1iUFh
صفحه فيسبوك
http://zipansion.com/1iUKc
جروب واتساب
http://zipansion.com/1iUX3
لاتنسوا الاشتراك بالقناه لمتابعه اخر المواضيع المهمه
جيلى geely: https://www.youtube.com/playlist?list=PLW_-nKmXY42SV2aKhnfvc21UHhQiJz-3M