السلام عليكم ورحمه الله تعالى وبركاته
النهارده ان شاء الله
هنتكلم على موضوع
ضبط فوانيس جيلى والاضاءه
بناء على طلب الاخوه الكرام
الموضوع سهل جدا ان شاء الله
محتاج شويه هدوء اعصاب فقط لاغير
فانوس الجيلى
مجرد النظر اليه بالعين المجرده يمكن لحضراتكم انكم تحددوا مسار الاضاءه فين بالظبط
كما بالصور واضح جدا من شكل العاكس اتجاه ومسار النور بالضبط
ان كان عالى او واطى او يمين او شمال
والصوره التانيه بتوضح لحضراتكم مسامير رجلاش الاضاءه لكل فانوس ماعلى حضراتكم هو التركيز فقط منعا للخبطه
بالنسبه لمسمار رجلاش العالى والواطى
تلف شمال = عالى
تلف يمين =واطى
وبالنسبه لمسمار رجلاش اليمين او الشمال وهذا يعنى فتح الاضاءه للخارج او تجميع الاضاءه فى مستوى مظبوط امام السياره
تلف يمين =تجميع النور للداخل امام السياره
تلف شمال=فتح مستوى الاضاءه للخارج
وبكدا ان شاء الله يمكنكم ضبط الاضاءه بكل سهوله بعينك المجرده
لان زى ما احنا عارفين فى صعوبه فى لف الرجلاش الا فى حاله فك الفوانيس وبالتالى توجد صعوبه فى التحديد والفوانيس مفكوكه
ويمكنكم ايضا تجنب هذه المشكله باستعمال مفتاح ٨ بلدى بدلا من استخدام المفك الصليبه العادى والفانوس راكب لان بعد ضبط العواكس بعينك فلن تحتاج الى شيء بسيط ان شاء الله
ارجوا ان اكون وفقت فى موضوع اليوم
وخففت عنكم شيء من التعب
والى لقاء اخر ان شاء الله
استودعكم الذى لا تضيع ودائعه
والسلام عليكم ورحمه اللهاخوكم ابواسماء